कोशी पीडित समाज र रोजगारी सर्भिसेजको
सहकार्यमा तयार पारिएको रोजगारी पोर्टल

कोशी पीडित समाज सन २००३ मा सप्तरी जिल्लामा स्थापना भएको गैरसरकारी संस्था हो । यो संस्था समाज कल्याण परिषद सँग आबद्ध छ । यस समाजले मुसहर र डोम जस्ता सीमान्तकृत समुदायको सामाजिक सुरक्षा र स्वास्थ्य योजनामा पहुँच पुग्ने अवसरहरूको सदुपयोग गर्न सक्षम पार्दै जीविकोपाजर्न सुधार गर्ने काम गर्दछ । यसले स्थापनाकाल देखिनै बिपद् जोखिम न्युनिकरणमा बिभिन्न कार्यहरु गर्दै आएको छ ।

कोशी पीडित समाजले यस परियोजना अन्तर्गत रोजगारी सर्भिसेजको प्राबिधिक सहयोगमा रोजगारी पोर्टल मार्फत रोजगारदाता र कामदार बिच रोजगारी सम्बन्धि पहुँच अनुकुल हुने गरि र रोजगारदातालाई आवश्यक श्रम शक्तिको माग गर्न र रोजगारी खोजिरहेकालाई सहज रुपमा सो सम्बन्धि सुचना प्रदान गर्ने कार्य गरेको छ । यस पोर्टलले मुख्यतय मधेश र कोशी प्रदेशमा उपलब्ध रोजगारीका सुचनाहरुलाई अद्यावधिक गर्दछ जसले गर्दा सीप र दक्षताको आधारमा प्राप्त हुने रोजगारीमा कोहि पनि अन्योलमा पर्नु पर्दैन ।

USAID को सहयोगमा संचालित USAID Local Works: Saptari परियोजना कोशी पीडित समाजले सप्तरी जिल्लाको हनुमाननगर कंकालिनी नगरपालिका (४ र ५), कञ्चनरूप नगरपालिका (४ र १०), तिलाठी कोइलाडी गाउँपालिका (४ र ८) र अग्निसाइरकृष्ण सावरण गाउँपालिका (४ र ५) मा कार्यान्वयन गर्दै आई रहेको छ । यस परियोजनाले रोजगारी सर्भिसेजसंगको सहकार्यमा श्रम शक्ति व्यवस्थापन सम्बन्धि कार्यशाला गोष्ठि, रोजगारीमा सहज पहुँचकोलागि रोजगारी पोर्टल अनुकुलित गरी त्यस सम्बन्धि तालिम र माथि उल्लेखित नगरपालिका तथा गाउँपालिकामा रोजगारी मेला भब्यताका साथ सम्पन्न गरेको छ ।

क्षेत्र १:	कोभिड–१९ सचेतना र सुरक्षाका उपायहरुको प्रबर्धन
क्षेत्र २:	सीमान्तकृत समुदायकोलागि सामाजिक सुरक्षा र स्वास्थ्य बीमामा पहुँच बृद्धि
क्षेत्र ३:	लक्षित पालिकाहरुमा स्थानीय रोजगारीको सुचना र सहजिकरण प्रणालीको स्थापना
क्षेत्र ४:	सीमान्तकृत समुदायकालागि आय आर्जनमा सहयोग उद्यमशिलता बिकास सम्बन्धि तालिम र सहयोग पशुधन र बगर खेती सम्बन्धि तालिम र सहयोग